ናይ ኤርትራ ኦርቶዶክስ ተዋህዶ Eitrean Orthodox Tewahdo
ደብረ ሰላም መድሓኔ ዓለም ቤተክርስትያን Medhanie Alem kerk ኣምስተልፌን-ኣምስተልላንድ Amstelveen-Amstelland
ሆላንድ።
29 መጋቢት 2009 ዓ.ም .ግ.
7 ሚያዝያ 2017
ደ/ሰ/መ /ኣ/ኣ2009-12
ብስም ኣብን ወልድን መንፈስ ቅዱስን ሓደ ኣምላክ ኣሜን።
ትብጻሕ ናብ፥ ኩልኹም ኣባላት ደብረሰላም መድሓኔ ዓለም ኣምስተልፌን-ኣምስተልላንድን
ክልኹም ምእመናን ኦርቶዶክሳዊት ቤተክርስትያንን፥
ሰበኻ ጉባኤ፡ ነቲ ብኣካየድቲ ቤተ ክርስትያን St. Augustinuskerk ኣብ ዕለት ዓርቢ ስቕለት ተዋሂቡና ዝነበረ ሰዓታት፡ ንምእመናን ደብረሰላም መድሓኔዓለም ቊሩብ ውሒዱ ኢልና ስለ ዝሓሰብና፥ ንዓኣቶም እውን ከነጻብበሎም ስለ ዘይደለና፡ ካልእ ምርጫ/መፍትሒ/ ረኺብና ከም ዘሎና ክንሕብረኩም ንፈቱ። ንሱ ከኣ ዓርቢ ስቕለት ካብ ሰዓት 13:00 ድሕሪ ቀትሪ ክሳብ ሰዓት 18:00 ንስግዳን ኣብ እቲ ኣዳራሽ ጥንተ ስቅለቱ ንመድሓኔ ዓለም ዘብዓልናሉ፡ (ኣብ ታሕቲ፡ ክትኣቱ ንየማን ሸነኽ) ከነካይዶ ተወሲኑ ኣሎ። ምናልባት ጸበል (እኽለ-ማይ) እንተደ ኣ ኣሎ ኮይኑ ክሳብ 19:30 ክንጥቀመሉ ከም እንኽእል ክንሕብር ንፈቱ። ንመዘኻኸሪ ኣድራሻ፥ Hermann Wesselink College, Startbaan 3, 1185 XP Amstelveen መጓዕዝያ፥ ኣውቶቡስ ቊጽሪ 170: ከምኡ ከኣ 174 ወሲድኩም ኣብ Startbaan ትወርዱ። “ ብሜትሮ ብኹሉ ሸነኽ ቊጽሪ 51 ወሲድኩም ኣብ Marle ትወርዱ
ካብ’ዘ ብምቕጻል ሆሳእና ከነብዕል፥ ሰንበት ካብ ሰዓት 13:00 ክሳብ ሰዓት 16:00 ኣብ ደብረሰላም ብሰላም መድሓኔ ዓለም የራኽበና ኣምላኽ። መተሓሳሰቢ፥ ኩሉ ሓደ ክፈልጦን ከተግብሮን ዘለዎ፡ ኣጥቢቕና እንላበዎ ነገር ኣሎ። እቶም ወነንቲ ቤተ ክርስትያን ጉባኤኦም ወዲኦም ካብ ቤተክርስትያን ከይወጹ፡ ናብ ውሽጢ ቤተክርስትያን ምእታው ክልኩል ኢዩ። ምክብባር ኣድላዪ ስለዝኾነ። ነፍሲወከፍ ሰብ ዝረኣዮ ጉድለት ሸለል ኢሉ ኣይሕለፎ፥ ዝለዓል ኣቕሓ ምልዓል፡ ዝንጥልጠል ኣብ ቦትኡ ምንጥልጣል፡ ዝጓሓፍ ናብ ናይ ፕላስቲክ መጒሓፊ ወሲድካ ምጒሓፍ…ወዘተረፈ ንኩልና ዝምልከት ስለዝኾነን ኣምላኽ ከኣ ስለ ዝፈትዎን፡ ከምኡ ክንገብር ልዑል ኣምላኽ ልብናን ዓይንናን የብርሃልና ኣሜን።
ብዛዕባ ኣከባብራ ፋሲካ ቀጻሊ ሓበሬታ ናብ ኣባላት ክላኣኽ ኢዩ፥ ኣብ ወብሳትና’ውን ክወጽእ ኢዩ። ስለዚ ተኸታተሉ።
ጸሓፊ
ሰበኻ ጉባኤ ደብረ ሰላም መድሓኔዓለም
Email: debreselammedhaniealem@gmail.com
Amstelveenseweg-965
1081JG Amsterdam
Nederland
